Almennar fréttir / 26. janúar 2015

Reginn hf. uppfærir áhættustefnu sína

Reginn hf. hefur fengið Integra ráðgjöf, til að vinna með félaginu að uppfærslu og endurskoðun á áhættustefnu og áhættuvilja félagsins. Starfsmenn Integra ráðgjafar hafa sérfræðiþekkingu á sviði áhættustýringar og hafa veitt stórfyrirtækjum og stofnunum ráðgjöf á því sviði. Þar á meðal má nefna Fjármálaeftirlitið, slitastjórn Kaupþings, Efnahags- og skattanefnd Alþingis og Seðlabanka Íslands. Integra ráðgjöf er í eigu Dr. Oddgeirs Ottesen og Dr. Gunnars Gunnarssonar sem eru með doktorsgráður frá Kaliforníuháskóla í Santa Barbara í hagfræði og stærðfræði. Gunnar vann áður í yfir 6 ár við áhættustýringu, síðast sem yfirmaður markaðsáhættu Íslandsbanka. Oddgeir hefur starfað í Fjármálaeftirlitinu, Seðlabankanum og við ráðgjöf.

 

Reginn hf. leggur áherslu á mikla áhættuvitund starfsmanna, sem byggir m.a. á skýrri áhættustefnu og öflugri upplýsingagjöf um helstu áhættuþætti félagsins. Stýring áhættu er hluti af rekstri Regins og er henni ætlað að stuðla að því að félagið nái fram stefnu sinni og settum markmiðum. Í því felst að þekkja, skilgreina, uppgötva og greina áhættu, til þess að geta brugðist við, eytt áhættu eða lágmarkað hana. Sett hafa verið viðmið um áhættu og eftirlit er haft með henni. Með þjálfun starfsmanna og starfsreglum beitir Reginn öguðu eftirliti þar sem allir starfsmenn eru meðvitaðir um hlutverk sitt og skyldur.

 

Meðfylgjandi má sjá link á heimasíðu Integra ráðgjafar.

Annað fréttnæmt

08. jún.

Valfrjálst yfirtökutilboð Regins hf. í Eik fasteignafélag hf.

Stjórn Regins hefur sent tilkynningu í Kauphöll Íslands þar sem tilkynnt var um ákvörðun stjórnar um að lagt verði fram valfrjálst yfirtökutilboð í allt hlutafé Eikar fasteignafélags hf. Við sjáum fyrir okkur nýja sókn þessara tveggja félaga undir nýju nafni og merki.
07. jún.

Fasteignamat 2024

Fasteignamat eignasafns Regins kemur til með að hækka um 2% milli áranna 2023 og 2024. Atvinnuhúsnæði í heild sinni á landinu hækkar hins vegar um 4,8%.
26. maí

Reginn gefur út nýja græna skuldabréfaflokka

Þann 25. maí 2023 voru gefnir út tveir nýir grænir skuldabréfaflokkar. Báðir flokkarnir eru grænir og eru veðtryggðir undir almenna tryggingarfyrirkomulagi Regins. Með farsælu útboði á þessum tveimur flokkum náðust öll meginmarkmið félagsins og standa meðal verðtryggðir vextir félagsins í um 2,84% í kjölfar útboðsins.