Stjórn Regins
Stjórnarformaður
Tómas Kristjánsson
Í stjórn frá apríl 2014
Fæðingarár: 1965
Menntun: MBA frá háskólanum í Edinborg 1997, Cand. Oecon. í viðskiptafræði frá Háskóla Íslands 1989, löggiltur verðbréfamiðlari 2001.
Aðalstarf: Starfar sem eiganda Siglu ehf.
Starfsreynsla: Starfandi eigandi hjá Siglu ehf. og Klasa ehf. frá árinu 2007, framkvæmdastjóri áhættustýringar, fjárstýringar og reikningshalds hjá Fjárfestingarbanka atvinnulífsins, síðar Glitni banka frá 1998-2007, yfirmaður lánaeftirlits Iðnlánasjóðs frá 1990-1998.
Önnur trúnaðarstörf og stjórnarseta: Sigla ehf. (meðstjórnandi), Klasi ehf. (stjórnarformaður), Heljarkambur ehf. (stjórnarformaður), Borgarhöfði Fasteignaþróun ehf., II og III (stjórnarformaður), Grunnur I ehf. (stjórnarformaður), Smárabyggð ehf. (stjórnarformaður), Húsafell Resort ehf. (meðstjórnandi), Húsafell Giljaböð ehf. (meðstjórnandi), Hótel Húsafell ehf. (meðstjórnandi), KLS eignarhaldsfélag ehf. (stjórnarformaður) og K eignafélag ehf (stjórnarformaður).
Hlutafjáreign í Reginn hf.: Sigla ehf., sem Tómas á að fullu, á 61.700.759 hluti í félaginu eða 3,38%.
Hagsmunatengsl: Tómas hefur engin hagsmunatengsl við stærstu viðskiptavini félagsins, keppinauta þess eða hluthafa sem eiga meira en 10% í félaginu en telst háður stjórnarmaður þar sem hann er annar aðaleigandi KLS eignarhaldsfélagi ehf. og situr í stjórn Klasa ehf. sem er samstarfsaðili Regins og Haga hf. vegna uppbyggingar og rekstur fasteignaþróunarfélags Klasa ehf
Tómas er stjórnarformaður hjá Smárabyggð ehf. en það félag kemur að uppbyggingu íbúðabyggðar sunnan Smáralindar. Einnig leigir Klasi ehf. skrifstofuhúsnæði af dótturfélagi Regins hf. á Suðurlandsbraut 4 en Tómas er stjórnarformaður hjá Klasa.
Varaformaður
Albert Þór Jónsson
Í stjórn frá apríl 2015.
Fæðingarár: 1962.
Menntun: Viðskiptafræðingur, Cand. Oecon frá Háskóla Íslands 1986 og með MCF - meistaragráðu í fjármálum fyrirtækja frá Háskólanum í Reykjavík 2014. Með próf í verðbréfaviðskiptum og löggildingu í fasteignaviðskiptum.
Aðalstarf: Sjálfstætt starfandi.
Starfsreynsla: Framkvæmdastjóri hjá FL Group frá 2005-2007, forstöðumaður eignastýringar LSR (Lífeyrissjóðs starfsmanna ríkisins) frá 2001-2005, forstöðumaður verðbréfamiðlunar Fjárvangs hf. frá 1998-2001, forstöðumaður hjá Landsbréfum í fyrirtækjaráðgjöf og verðbréfamiðlun frá 1990-1998 og fjármálaráðgjafi hjá Glitni – kaupleigu frá 1986-1990.
Önnur stjórnarseta: Gneis ehf. (stjórnarmaður) og Kvika banki hf. (varamaður).
Hlutafjáreign í Reginn hf.: Albert á 153.365 hluti í félaginu.
Hagsmunatengsl: Engin hagsmunatengsl eru við stærstu viðskiptavini félagsins, keppinauta þess eða hluthafa sem eiga meira en 10% í félaginu. Albert er óháður félaginu og daglegum stjórnendum þess.
Meðstjórnandi
Bryndís Hrafnkelsdóttir
Í stjórn Regins frá apríl 2014
Fæðingarár: 1964
Menntun: M.Sc. í viðskiptafræði frá Háskóla Íslands 2015. Viðskiptafræðingur Cand. Oecon 1989
Aðalstarf: Forstjóri Happdrættis Háskóla Íslands frá 2010.
Starfsreynsla: Landfestar fjármálastjóri frá 2008-2010, Kaupþing banki hf. sérfræðingur á fjármálasviði samstæðu frá 2007-2008, Debenhams á Íslandi, framkvæmdastjóri 2000-2006, Hagkaup fjármálastjóri frá 1996-2000, Hof eignarhaldsfélag aðalbókari frá 1994-1996 og KPMG endurskoðun og bókhald frá 1990-1993.
Önnur stjórnarseta: Formaður skólanefndar Verzlunarskóla Íslands frá 2006, O1 ehf. (stjórnarformaður) frá 2011, TM tryggingar (varamaður), Lykill fjármögnun ehf. (varamaður), Pfaff hf. 2007-2012 (meðstjórnandi).
Hlutafjáreign í Reginn hf.: 18.509 hlutir
Hagsmunatengsl: Engin hagsmunatengsl eru við stærstu viðskiptavini félagsins, keppinauta þess eða hluthafa sem eiga meira en 10% í félaginu. Bryndís er óháð félaginu og daglegum stjórnendum þess.
Meðstjórnandi
Guðrún Tinna Ólafsdóttir
Í stjórn frá mars 2018
Fæðingarár: 1975
Menntun: M.Sc. í fjármálum frá Háskóla Íslands 2011. Prisma diplómanám frá Listaháskóla Íslands og Háskólanum á Bifröst 2009. B.Sc. í viðskiptafræði frá Háskóla Íslands 1998.
Aðalstarf: Framkvæmdastjóri verslunarsviðs Húsasmiðjunnar ehf.
Sarfsreynsla: Rekstrarstjóri verslunarsviðs Fríhafnarinnar ehf. (2018-2020), Framkvæmdastjóri Igló ehf. frá 2011-2016, verkefnastjóri Baugur Group á sviði smásölu, fasteigna og trygginga frá 2002-2009, Senior Account Manager Kaupthing Bank Luxembourg SA frá 2000-2002, Sjóðstjóri skuldabréfa- og lífeyrissjóða og eignastýring fyrir fagfjárfesta hjá Verðbréfasjóði Íslandsbanka VÍB 1997-2000.
Önnur stjórnarseta: Svanni – lánatryggingasjóður kvenna (stjórnarformaður).
Hlutafjáreign í Reginn hf.: Engin
Hagsmunatengsl: Engin hagsmunatengsl eru við stærstu viðskiptavini félagsins, keppinauta þess eða hluthafa sem eiga meira en 10% í félaginu. Guðrún er óháð félaginu og daglegum stjórnendum þess.
Meðstjórnandi
Heiðrún Emilía Jónsdóttir
Í stjórn frá mars 2019
Fæðingarár: 1969
Menntun: Cand.jur. frá Háskóla Íslands og réttindi til málflutnings í héraðsdómi 1996. Starfsmannastjórnun frá Háskólanum á Akureyri 1999, löggildingu í verðbréfamiðlun 2006 og AMP frá IESE Business School 2017.
Aðalstarf: Sjálfstætt starfandi lögmaður. Varaformaður stjórnar Íslandsbanka og stjórnarmaður í Royal Arctic Line, Svarma ehf. og Múla lögmannsstofu.
Starfsreynsla: Framkvæmdastjóri lögfræðisviðs Eimskips (2006-2012), framkvæmdastjóri lögfræðisviðs Lex lögmannsstofu og síðar B-meðeigandi (2003-2005), upplýsingafulltrúi Símans (2001-2003), framkvæmdastjóri starfsþróunarsviðs / lögfræðingur KEA (1998-2001) og lögmaður hjá Lögmannsstofu Akureyrar (/1995-1998)
Önnur stjórnarseta: Íslandsbanki hf. (varaformaður stjórnar og formaður stjórnarhátta- og mannauðsnefndar), Royal Arctic Line (stjórnarmaður og nefndarmaður í endurskoðunarnefnd), Svarmi ehf. (meðstjórnandi) og Múli lögmannsstofa (stjórnarmaður).
Hlutafjáreign í Reginn hf.: Engin.
Hagsmunatengsl: Engin hagsmunatengsl eru við stærstu viðskiptavini félagsins, keppinauta þess eða hluthafa sem eiga meira en 10% í félaginu. Heiðrún er óháð félaginu og daglegum stjórnendum þess.
Forstjóri
Helgi S. Gunnarsson
Helgi hefur verið forstjóri félagsins frá því það hóf starfsemi á vormánuðum 2009.
Fæðingarár: 1960
Menntun: M.Sc. í verkfræði frá Danmarks Tekniske Universitet, 1993. Byggingatæknifræðingur frá Háskólanum í Reykjavík, 1986. Hefur lokið prófum sem húsasmiður og húsasmíðameistari.
Starfsreynsla sl. ár: Framkvæmdastjóri Eignarhaldsfélagsins Portusar ehf. og dótturfélaga frá 2006-2009. Framkvæmdastjóri Nýsis Fasteigna ehf. og dótturfélaga þess á árunum 2005-2006. Sviðsstjóri framkvæmdasviðs VSÓ ráðgjafar ehf. og einn af eigendum þess 1989-2004.
Núverandi stjórnarseta: Helgi er stjórnarformaður allra dótturfélaga Regins hf. sem eru í fullri eigu félagsins auk þess að vera stjórnarmaður í B38 ehf.
Hlutafjáreign: Helgi á 1.566.787 hluti í félaginu í gegnum félagið B38 ehf.
Stjórnendur félagsins
Baldur Már Helgason
Baldur er framkvæmdastjóri Verslunar og þjónustu og staðgengill forstjóra. Baldur hóf störf í ársbyrjun 2019 en var áður framkvæmdastjóri Eyju fjárfestingafélags.
Baldur starfaði áður í fjármálageiranum í um 17 ára skeið, síðast sem fjárfestingastjóri á framtakssjóðasviði Auðar Capital en þar áður sem fjárfestinga- og lánastjóri hjá Íslandsbanka á árunum 2000-2009, þar af í þrjú ár á skrifstofum bankans í Kaupmannahöfn og New York.
Baldur er véla- og iðnaðarverkfræðingur frá Háskóla Íslands og hefur einnig lokið prófi í verðbréfaviðskiptum.
Björn Eyþór Benediktsson
Eyþór stýrir einingunni Upplýsingar og greining. Hann hefur starfað hjá félaginu frá árinu 2014 við greiningar, upplýsingavinnslu og þátttöku í viðskiptaþróun.
Eyþór er meðstjórnandi í Rekstrarfélagi Egilshallar ehf.
Áður starfaði Eyþór á framkvæmdasviði Vegagerðarinnar sem verkfræðingur B.Sc.
Eyþór hefur meistaragráðu í Reikningshaldi og endurskoðun (Macc) frá Háskólanum í Reykjavík, 2021, fjármálahagfræði M.Sc. frá Háskóla Íslands, 2012 og B.Sc. í umhverfis- og byggingarverkfræði, 2011. Eyþór lauk einnig sveinsprófi í húsasmíði 2006.
Dagbjört Erla Einarsdóttir
Dagbjört er yfirlögfræðingur félagsins og hóf störf í apríl 2016.
Dagbjört er meðstjórnandi í Reykjum fasteignafélagi ehf., FM-hús ehf., Hafnarslóð ehf., Hörðuvöllum ehf., Sóltún fasteign ehf. og Reginn skrifstofusetur ehf. Dagbjört er auk þess varamaður í stjórn HTO ehf., Eignarhaldsfélagsins Smáralind ehf., Smáralind ehf., RA 18 ehf. og 220 Miðbæ ehf. þar sem að Reginn hf. er meðeigandi.
Áður starfaði Dagbjört í 6 ár hjá lögmannsstofunni Juris slf. og 3 ár á einkabanka- og lögfræðisviðum Landsbankans hf.
Dagbjört lauk meistaraprófi (mag.jur) frá lagadeild Háskóla Íslands árið 2007 og námi til öflunar réttinda til héraðsdómslögmanns sama ár.
Guðlaug Hauksdóttir
Guðlaug er yfirmaður reikningshalds og hefur starfað á fjármálasviði félagsins frá árinu 2010.
Áður starfaði Guðlaug í 9 ár hjá Viðskiptablaðinu, síðast sem fjármálastjóri.
Guðlaug er viðskiptafræðingur frá Háskóla Íslands, 2002.
Jóhann Sigurjónsson
Jóhann er skrifstofustjóri en var áður fjármálastjóri félagsins frá 2012 allt til ársins 2021.
Áður hefur Jóhann starfað sem fjármálastjóri Eignarhaldsfélags Smáralindar ehf., HB Granda hf. og Pharmaco hf. Jóhann var einnig bæjarstjóri Mosfellsbæjar í 8 ár.
Jóhann er viðskiptafræðingur Cand.oecon frá Háskóla Íslands 1984.
Páll V. Bjarnason
Páll er framkvæmdastjóri Atvinnuhúsnæði og almennur markaður ásamt því að stýra útleigu og samhæfingu útleigumála hjá félaginu.
Páll hefur starfað sem framkvæmdastjóri dótturfélaga Regins frá 2016 og var áður sviðsstjóri Fasteignaumsýslu félagsins.
Páll er meðstjórnandi í Reginn skrifstofusetri ehf. sem er dótturfélag Regins hf.Páll er auk þess varamaður í eftirtöldum dótturfélögum Regins hf.: Reginn Atvinnuhúsnæði ehf., Kvikmyndahöllin ehf., Knatthöllin ehf., RA 5 ehf., FM-hús ehf., Hafnarslóð ehf., Hörðuvellir ehf. og Reykir fasteignafélag ehf.
Páll er byggingaverkfræðingur M.Sc. frá Háskólanum í Reykjavík 2011 og byggingatæknifræðingur frá sama skóla 2009. Páll er einnig menntaður húsasmiður og hefur lokið bæði sveins- og meistaraprófi.
Rósa Guðmundsdóttir
Rósa Guðmundsdóttir er framkvæmdastjóri fjármála félagsins og hóf störf í október 2021.
Áður starfaði Rósa hjá Íslandsbanka frá 2006 sem viðskiptastjóri á fyrirtækjasviði og í fyrirtækjaráðgjöf Íslandsbanka þar sem hún vann að fjármögnun margra stærstu fyrirtækja í viðskiptum við bankann. Þá starfaði Rósa sem sjóðsstjóri hjá Íslandssjóðum á árunum 2016-2017 og sat samhliða því í stjórn Allrahanda GL ehf. og sem varamaður í stjórn Ölgerðarinnar Egils Skallagrímssonar hf. Rósa var stjórnarformaður Borgunar hf. árin 2011-2015.
Rósa er með M.S. gráðu í iðnaðarverkfræði og aðgerðargreiningu frá Pennsylvania State University og B.S. gráðu í véla- og iðnaðarverkfræði frá Háskóla Íslands. Þá hefur Rósa lokið prófi í verðbréfaviðskiptum.
Rúnar Hermannsson Bridde
Rúnar er stjórnandi útleigumála og framkvæmdastjóri Regins skrifstofuseturs.
Rúnar hefur starfað í útleiguteymi Regins frá árinu 2019 en starfaði áður hjá félaginu frá 2014-2017.
Áður starfaði Rúnar sem framkvæmdastjóri fyrirtækjasviðs hjá 66°Norður og sölu og markaðsstjóri hjá Ingvari Helgasyni BL.
Rúnar er viðskiptafræðingur frá Tækniháskóla Íslands, 2004 og iðnrekstrarfræðingur frá sama skóla 2003.
Sunna Hrönn Sigmarsdóttir
Sunna er framkvæmdastjóri Samstarfs- og leiguverkefna ásamt því að stýra rekstri fasteigna hjá félaginu. Sunna hóf störf hjá félaginu á árinu 2017.
Sunna er stjórnarformaður Rekstrarfélags Egilshallar.
Sunna starfaði áður sem framkvæmdastjóri fasteignasviðs Hörpu tónlistar- og ráðstefnuhúss frá 2011. Auk þessa sat Sunna í framkvæmdaráði Hörpu og stjórn Rekstrarfélagsins Stæði slhf.
Sunna er iðnaðartæknifræðingur frá Háskólanum í Reykjavík.
Sandra Arnardóttir
Sandra tók við starfi markaðsstjóra Smáralindar í febrúar 2022. Sandra hefur starfað í Markaðsdeild Smáralindar frá árinu 2012 og hefur víðtæka reynslu á sviðið markaðsmála.
Áður starfaði Sandra í markaðsdeild SPRON.
Sandra er með BSc gráðu í alþjóðamarkaðsfræði frá Háskólanum í Reykjavík 2004, diploma í verkefnastjórnun og stundar mastersnám í alþjóðaviðskiptum við Háskólann á Bifröst samhliða vinnu.
Skipurit
Skipurit félagsins hefur verið óbreytt frá árslokum 2019 og tekur mið af stefnuáherslum félagsins. Er það liður í að styðja við framtíðaráherslur sem stefnumótun félagsins markaði. Frá þeim tíma hefur verið unnið að því að efla og styrkja afkomueiningar félagsins bæði stjórnunarlega og faglega.
Birt er afkoma hverrar. Þessar einingar eru: Verslun og þjónusta, Samstarfs- og leiguverkefni með opinberum aðilum og Atvinnuhúsnæði og almennur markaður.
Hver eining er undir stjórn framkvæmdastjóra sem hefur það hlutverk að byggja upp og viðhalda sérþekkingu á viðkomandi sviði.
Forstjóri fer með og ber ábyrgð á daglegum rekstri félagsins og fer með ákvörðunarvald í málum sem ekki ber að fara með fyrir stjórn. Forstjóri er jafnframt talsmaður félagsins út á við.
Stjórnarhættir
Stjórn félagsins álítur góða stjórnarhætti gott verkfæri til að skýra hlutverk stjórnar og forstjóra hverju sinni á sama tíma og hagsmunir hluthafa félagsins eru hafðir að leiðarljósi. Einnig er það mat stjórnar og stjórnenda félagsins að með fylgni við góða stjórnarhætti sé stuðlað að gagnsæi og traustum samskiptum milli hluthafa, stjórnar, stjórnenda, starfsmanna og annarra hagsmunaaðila. Með því er grunnurinn lagður að ábyrgri stjórnun þar sem hlutverk eru skilgreind með réttum hætti.
Stjórn og stjórnendur félagsins hafa sett sér það markmið að viðhafa og stuðla að fyrirmyndar stjórnarháttum.
Á árinu 2021 hlaut félagið viðurkenningu sem fyrirmyndafyrirtæki í góðum stjórnarháttum frá Stjórnvísi og Gullmerki Jafnlaunaúttektar PwC í kjölfar jafnlaunagreiningar. Félagið hlaut að auki á árinu staðfestingu á jafnréttisáætlun félagsins af Jafnréttisstofu.
Félagið hefur jafnframt hlotið viðurkenningu sem Framúrskarandi fyrirtæki eftir greiningu Creditinfo samfleytt frá árinu 2014 og verið þar í fremstu röð.
Stjórnarhættir Regins eru í samræmi við lög og reglur sem gilda um starfsemi félagsins, s.s. ákvæði hlutafélagalaga nr. 2/1995, ársreikningalaga nr. 3/2006, samkeppnislaga nr. 44/2005, laga um upplýsingaskyldu útgefenda verðbréfa og flöggunarskyldu nr. 20/2021, laga um aðgerðir gegn markaðssvikum nr. 60/2021 og laga um aðgerðir gegn peningaþvætti og fjármögnun hryðjuverka nr. 140/2018, ásamt gildandi Leiðbeiningum um stjórnarhætti fyrirtækja.
