Nú er í gangi metnaðarfullt enduruppbyggingarverkefni á Akureyri þar sem verið er að breyta og bæta húsnæði Sunnuhlíðar. Húsnæðið hefur verið þáttur í lífi Akureyringa til fjölda ára sem verslunarmiðstöð en mun nú fá nýtt hlutverk sem heilsutengdur þjónustukjarni.

Heilbrigðisstofnun Norðurlands vinnur að opnun glæsilegrar heilsugæslustöðvar í Sunnuhlíð og samhliða því er verið að efla heilsutengda þjónustu í húsinu þannig að um verði að ræða glæsilegan heilsutengdan þjónustukjarna.

Búið er að endurhanna húsið svo það nýtist sem best í nýju hlutverki og er í byggingu 814 fermetra viðbygging við húsið ásamt því að öll sameign er endurbyggð þannig að aðgengi verður með besta móti. Að framkvæmdum loknum verður húsið í heildina um 4.500 fermetrar og fer um helmingur af því undir starfssemi heilsugæslunnar.

Til viðbótar við starfssemi heilsugæslunnar eru hugmyndir um aðra heilstutengda þjónustu eins og sjúkraþjálfun, sálfræðiþjónustu, stofur sérfræðilækna, augnlækna, eyrnalækna, húðlækna, nuddara og kírópraktora ásamt vönduðum verslunum eins og apóteki, gleraugnaverslun og fleiru með heilsutengdar vörur eða þjónustu.

Áhugasamir aðilar um að vera með heilsutengdan rekstur í Sunnuhlíð eru beðnir um að hafa samband með því að senda tölvupóst á leiga@reginn.is

• Endurhannað húsnæði til að mæta nútímakröfum 
• Næg bílastæði og gott aðgengi fyrir gangandi og hjólandi
• Góð útleigurými bæði á jarhæð og í kjallara
• Öll sameign endurnýjuð og aðgengi á milli hæða með besta móti 

Hér má sjá viðtal við Helga forstjóra Regins þar sem hann ræðir um verkefnið við N4.