Almennar fréttir / 25. nóvember 2014

Orange Project ehf. færir út kvíarnar í Ármúla 6


Orange Project skrifaði í gær undir nýjan  leigusamning við Reginn Fasteignafélag um enn frekari stækkun á  rými fyrir starfssemi sína.  Starfsemi fyrirtækisins snýr að því að miðla og leigja út skrifstofuhúsnæði fyrir lítil og meðalstór fyrirtæki í háum gæðaflokki með sveigjanleika og lausnum sem henta hverjum og einum.

Katrin B. Sverissdóttir, framkvæmdastjóri Reginn Atvinnuhúsnæði, telur að með samningi þessum við Orange Project sé Reginn að fara inn á nýjan markað sem allar líkur væru á að ætti eftir að stækka á komandi árum því skortur hafi verið á svo skipulagðri þjónustu á Íslandi. Svipuð þjónusta sé vel þekkt víða erlendis þótt ekki sé hún jafn umfangsmikil og þjónusta fyrirtækisins.

Tómas Hilmar Ragnars, framkvæmdastjóri Orange Project, segir að samningurinn komi í beinu framhaldi af þeim jákvæðu viðbrögðum sem fyrirtækið hafi fengið við þjónustu sinni og sveigjanleika. Eftirspurn hafi verið meiri en Tómas hafi búist við í upphafi.  „Það var greinilega þörf á heildarlausn sem þessari fyrir fyrirtæki og einstaklinga þar sem öll þjónusta er uppá 10 og allt undir sama þaki. Við skraddarasaumum lausnir fyrir hvert og eitt fyrirtæki og einstaklinga þannig að fólki líði vel og geti vaxið og dafnað í sínum rekstri. Við bjóðum fyrirtækjum jafnt sem einstaklingum uppá lausnir í húsnæðis- og skrifstofuhaldi ásamt ráðgjöf á sviði markaðsmála, innheimtu og lögfræði. Þetta samstarf gerir okkur kleift að geta boðið upp á hágæða húsnæðislausnir á góðu verði og aðrar heildarlausnir sem ekki hafa verið í boði áður á Íslandi. Einnig sjáum við mikla stækkunarmöguleika í þessu samstarfi við Regin til framtíðar,“ segir Tómas.

Nýir viðskiptavinir Orange Project munu byrja að flytja inn þann 1. janúar næstkomandi en nú þegar hafa nokkur fyrirtæki tryggt sér aðstöðu til lengri eða skemmri tíma.  Með þessari stækkun fær Orange Bókhald & Ráðgjöf stærra rými fyrir sína starfssemi því mikill vöxtur hefur verðið í bókhalds, launa, vsk- og ráðgjafavinnu á skömmum tíma. Lausnir Orange Project henta vel fyrir ráðgjafa, lögmenn, arkitekta, sölumenn, félagasamtök, fjárfesta o.fl.
Nánari upplýsingar á vefsíðu Orange Project




 

Annað fréttnæmt

01. jún.

Stækkun Hafnartorgs fær nafnið Hafnartorg Gallery

Hafnartorgssvæðið stækkar umtalsvert í sumar en á næstu vikum opnar nýr áfangastaður með verslunum og veitingastöðum við gömlu höfnina í Reykjavík. Staðurinn hefur nú fengið nafnið Hafnartorg Gallery en þar verður að finna vandaðar verslanir, úrval af mat og drykk fyrir öll tækifæri auk menningartengdrar starfssemi.
27. apr.

Framtíðin í smásölu

Fyrsta skólavetri Smáralindarskólans lauk með fyrirlestri sem haldin var í Smárabíói þann 26. apríl. Fyrirlesturinn fjallaði um framtíðina í smásölu. Sænski retail ráðgjafinn, Håkan Pehrsson, hélt afar áhugavert erindi um hvernig smásölubransinn er að þróast og hvar helstu tækifærin liggja í smásölu næstu misserin.