Almennar fréttir / 16. október 2018

Opnun Hafnartorgs

12. október 2018 markaði ákveðin tímamót í verslunarsögu miðborgar Reykjavíkur með opnun H&M og H&M Home á Hafnartorgi en samhliða opnun þeirra verslana opnaði fyrsti áfangi Hafnartorgs. Með þessum merkilega áfanga snýr verslun í miðborginni úr vörn í sókn og lifandi tenging skapast frá gamla miðbænum yfir á svæðin kringum Hörpu og höfnina. Reginn er eigandi alls verslunarhúsnæðis á Hafnartorgi og leggur áherslu á að skapa þar einstakt verslunar- og þjónustusvæði til framtíðar með iðandi mannlífi og lifandi göngugötum.
Á næstunni munu svo fleiri spennandi alþjóðlegar verslanir opna á Hafnartorgi auk þess sem um 1.100 bílastæði munu bætast við í kjallaranum undir svæðinu með tengingu við bílakjallara Hörpu.

Þórdís Lóa Þórhallsdóttir, formaður borgarráðs og Helgi S. Gunnarsson, forstjóri Regins klipptu á borða við formlega opnun svæðisins.

Fjallað var um viðburðinn á vef Reykjavíkurborgar. 

 

 

 

Annað fréttnæmt

04. sep.

Glæsileg aðstaða í Skútuvogi

Nýlega fékk Arctic Adventures afhent glæsilegt skrifstofuhúsnæði að Skútuvogi 2. Óhætt er að segja að vel hafi tekist til við að skapa nýjar og aðlaðandi höfuðstöðvar fyrir þetta öfluga og ört vaxandi ferðaþjónustufyrirtæki, sbr. meðfylgjandi myndir.
01. jún.

Fasteignamat fyrir árið 2019

Reginn hf. hefur yfirfarið fyrirhugaðar breytingar á fasteignamati fyrir árið 2019 sem var birt af Þjóðskrá Íslands í gær. Niðurstaða félagsins eftir þá yfirferð leiðir í ljós að fasteignamat allrar samstæðunnar mun hækka um 13% á milli ára.