Almennar fréttir / 28. nóvember 2014

Ljósin á jólatrénu tendruð og Pakkajól Smáralindar og Bylgjunnar

Laugardaginn 29. nóvember kl. 14 verða ljósin á jólatrénu tendruð í Smáralind við hátíðlega athöfn. Á sama tíma hefjast Pakkajól Smáralindar og Bylgjunnar. 

Pakkajól

Pakkajól Smáralindar og Bylgjunnar er góðgerðarátak þar sem fólk er hvatt til að láta gott af sér leiða fyrir jólin og kaupa eina auka jólagjöf og setja undir jólatréð í Smáralind. 

Fjölskylduhjálp Íslands, Mæðrastyrksnefnd og Hjálparstarf Kirkjunnar sjá um að koma gjöfunum í réttar hendur. En gjafirnar eru ætlaðar til að gleðja börn og unglinga sem koma frá bágstöddum heimilum. 

Við þjónustuborðið á 2. hæð er hægt að fá sérstaka merkimiða til að merkja við hvort gjöfin henti dreng eða stúlku og fyrir hvaða aldur. 

Við hvetjum alla sem hafa á því tök að taka þátt. Pósturinn tekur við pökkum frá landsbyggðinni og kemur þeim frítt í Smáralind fyrir jólin. Sjá nánar á heimasíðu Smáralindar

Annað fréttnæmt

01. jún.

Stækkun Hafnartorgs fær nafnið Hafnartorg Gallery

Hafnartorgssvæðið stækkar umtalsvert í sumar en á næstu vikum opnar nýr áfangastaður með verslunum og veitingastöðum við gömlu höfnina í Reykjavík. Staðurinn hefur nú fengið nafnið Hafnartorg Gallery en þar verður að finna vandaðar verslanir, úrval af mat og drykk fyrir öll tækifæri auk menningartengdrar starfssemi.
27. apr.

Framtíðin í smásölu

Fyrsta skólavetri Smáralindarskólans lauk með fyrirlestri sem haldin var í Smárabíói þann 26. apríl. Fyrirlesturinn fjallaði um framtíðina í smásölu. Sænski retail ráðgjafinn, Håkan Pehrsson, hélt afar áhugavert erindi um hvernig smásölubransinn er að þróast og hvar helstu tækifærin liggja í smásölu næstu misserin.