Halldór tók við starfi forstjóra Regins í maí 2023.

Halldór Benjamín gegndi stöðu framkvæmdastjóra Samtaka atvinnulífsins frá árinu 2016 en starfaði áður sem framkvæmdastjóri viðskiptaþróunar Icelandair Group hf. Halldór Benjamín hefur víðtæka reynslu úr atvinnulífinu, m.a. sem hagfræðingur og síðar framkvæmdastjóri Viðskiptaráðs Íslands. Halldór er hagfræðingur frá Háskóla Íslands og er með MBA-gráðu frá Oxford-háskóla.

Baldur er framkvæmdastjóri Verslunar og þjónustu og staðgengill forstjóra auk þess að stýra viðskiptaþróun og markaðsmálum félagsins. Baldur hóf störf í ársbyrjun 2019 en var áður framkvæmdastjóri Eyju fjárfestingafélags.

Baldur starfaði áður í fjármálageiranum í um 17 ára skeið, síðast sem fjárfestingastjóri á framtakssjóðasviði Auðar Capital. Áður starfaði Baldur sem fjárfestinga- og lánastjóri hjá Íslandsbanka á árunum 2000-2009, þar af í þrjú ár á skrifstofum bankans í Kaupmannahöfn og New York. Baldur hefur setið í stjórnum fjölda félaga, m.a. Securitas, Íslenska gámafélagsins og Skeljungs og situr í dag í stjórn Síldarvinnslunnar.

Baldur er véla- og iðnaðarverkfræðingur frá Háskóla Íslands auk þess sem hann hefur lokið Advanced Management Program (AMP) frá IMD háskólanum í Sviss. Baldur hefur einnig lokið prófi í verðbréfaviðskiptum.

Páll er framkvæmdastjóri Atvinnuhúsnæði og almennur markaður ásamt því að stýra útleigu og samhæfingu útleigumála hjá félaginu. Páll hefur starfað sem framkvæmdastjóri dótturfélaga Regins frá 2016 og var áður sviðsstjóri Fasteignaumsýslu félagsins.

Páll er varamaður í eftirtöldum dótturfélögum Regins hf.: Reginn Atvinnuhúsnæði ehf., Kvikmyndahöllin ehf., Knatthöllin ehf., RA 5 ehf., FM-hús ehf., Hafnarslóð ehf., Hörðuvellir ehf., Reykir fasteignafélag ehf., HTO ehf., Reginn Skrifstofusetur ehf. og CCI fasteignum ehf.

Páll er byggingaverkfræðingur M.Sc. frá Háskólanum í Reykjavík 2011 og byggingatæknifræðingur frá sama skóla 2009. Páll er einnig menntaður húsasmiður og hefur lokið bæði sveins- og meistaraprófi.

Sunna er framkvæmdastjóri Knatthallar ehf. og Kvikmyndahallar ehf. sem reka Egilshöll í Grafarvogi.

Sunna starfaði áður sem framkvæmdastjóri fasteignasviðs Hörpu tónlistar- og ráðstefnuhúss frá 2011. Auk þessa sat Sunna í framkvæmdaráði Hörpu og Rekstrarfélaginu Stæða slhf.

Sunna hefur lokið B.Sc. í iðnaðartæknifræði frá Háskólanum í Reykjavík árið 2005.

Rósa Guðmundsdóttir er framkvæmdastjóri fjármála félagsins og hóf störf í október 2021.

Áður starfaði Rósa hjá Íslandsbanka frá 2006 sem viðskiptastjóri á fyrirtækjasviði og í fyrirtækjaráðgjöf Íslandsbanka þar sem hún vann að fjármögnun margra stærstu fyrirtækja í viðskiptum við bankann. Þá starfaði Rósa sem sjóðsstjóri hjá Íslandssjóðum á árunum 2016-2017 og sat samhliða því í stjórn Allrahanda GL ehf. og sem varamaður í stjórn Ölgerðarinnar Egils Skallagrímssonar hf. Rósa var stjórnarformaður Borgunar hf. árin 2011-2015.

Rósa er með M.S. gráðu í iðnaðarverkfræði og aðgerðargreiningu frá Pennsylvania State University og B.S. gráðu í véla- og iðnaðarverkfræði frá Háskóla Íslands. Þá hefur Rósa lokið prófi í verðbréfaviðskiptum.

Dagbjört er lögmaður félagsins og hóf störf í apríl 2016.

Áður starfaði Dagbjört í 6 ár hjá lögmannsstofunni Juris slf. og 3 ár á einkabanka- og lögfræðisviðum Landsbankans hf.

Dagbjört lauk meistaraprófi (mag.jur) frá lagadeild Háskóla Íslands árið 2007 og námi til öflunar réttinda til héraðsdómslögmanns sama ár.

Rúnar er stjórnandi útleigumála. Rúnar hefur starfað í útleiguteymi Regins frá árinu 2019 en starfaði áður hjá félaginu frá 2014-2017.

Áður starfaði Rúnar sem framkvæmdastjóri fyrirtækjasviðs hjá 66°Norður og sölu og markaðsstjóri hjá Ingvari Helgasyni BL.

Rúnar er viðskiptafræðingur frá Tækniháskóla Íslands, 2004 og iðnrekstrarfræðingur frá sama skóla 2003.

Eyþór stýrir einingunni Upplýsingar og greining. Hann hefur starfað hjá félaginu frá árinu 2014 við greiningar, upplýsingavinnslu og þátttöku í viðskiptaþróun.

Áður starfaði Eyþór á framkvæmdasviði Vegagerðarinnar sem verkfræðingur B.Sc.

Eyþór er fjármálahagfræðingur M.Sc. frá Háskóla Íslands, 2012 og B.Sc. í Umhverfis- og byggingarverkfræði, 2011. Eyþór lauk einnig sveinsprófi í húsasmíði 2006.

Guðlaug er yfirmaður reikningshalds hjá félaginu og hefur starfað sem sérfræðingur á fjármálasviði félagsins frá árinu 2010.

Áður starfaði Guðlaug í 9 ár hjá Viðskiptablaðinu, síðast sem fjármálastjóri.

Guðlaug er viðskiptafræðingur frá Háskóla Íslands, 2002.

Sandra tók við starfi markaðsstjóra Smáralindar í febrúar 2022. Sandra hefur starfað í Markaðsdeild Smáralindar frá árinu 2012 og hefur víðtæka reynslu á sviðið markaðsmála.

Áður starfaði Sandra í markaðsdeild SPRON.

Sandra er með MIB gráðu í Alþjóðaviðskiptum frá Háskólanum á Bifröst, diploma í verkefnastjórnun og B.Sc. gráðu í alþjóðamarkaðsfræði frá Háskólanum í Reykjavík.